EGITURA

Azaleko zelulak hilero berriztatzen dira gazteago diren beste batzuetatik eta guk, azala igurztean edo lehortzean, nahi gabe erauzten ditugu hildako zelula horiek guztiak. dit

• Epidermisa: Larruazalaren kanpoko geruza, ez-baskularra, dermisaren gainean kokatua eta zenbait azpi-geruzaz osatua: geruza korneoa, gardena, pikorduna, mukosoa edo arantza-geruza (edo Malpighirena) eta basala edo oinaldekoa. Keratinaz osatuta dago eta haren funtzioa gain gaineko hildako zelulak etengabe zelula berri gazteekin ordezkatzea da.

• Dermisa: Larruazaleko epidermis eta hipodermisaren arteko geruza da, lehenengoari gainalde gandortsu eta zimurraren bidez itsatsita dago. Zimurrak lerro kurbatuetan antolatuta daude eta hatz-markak bezain espezifikoak dira. Zimurrei esker, esku eta oinen azala ez da irristagarria eta gu gai gara objektu txikiak hartu eta mugimendu finak egiteko. Kolageno eta elastinaz osatuta dago, horri esker sendoa eta elastikoa da, eta bertan daude nerbio-zuntzak -ukimenaren, minaren, hotzaren eta beroaren errezeptoreak, ileen folikuluak, gantz-guruinak, odol-kapilarrak eta gorputzaren tenperatura erregulatzen duten izerdi-guruinak. Dermisaren goialdera, zeluletara oxigenoa garraiatu eta hondakinak jasotzen dituzten milaka kapilar iristen dira.


• Hipodermisa: Dermis sakonaren azpian kokaturiko geruza da. Gantz-ehunez osatuta dago, trenkada konektibo elastikoek mugatzen dituzten zelula adiposoz betetako lobuluak eratuz.